Жаңалықтар

IMG 4439-10-01-18-09-21

Қарақия ауданы бойынша 2018 жылдың статистикалық есептік көрсеткіші негізінде 10 автокөлікте өрт оқиғасы орын алған. Оның ішінде 4 жүк көлігі өртенсе, 6 жеңіл көлікте өрт болған. Өрттің шығуының себептері көбінесе қозғалтқыш бөлігінде немесе алдыңғы бөліктің электр тоқ желілерінің қысқаша тұйықталуынан болады. Автокөліктердегі өрт оқиғалары уақытында тіркеліп, бастапқы іс-құжаттар жинақталуы кезінде, көлік иелерінен ешкімге қояр арыз-талаптарының болмауына байланысты жазбаша арыздардың болуы себепті сегіз өрт оқиғасы бойынша номенклатуралық іс болып жабылды. Ал екі өрт оқиғасы бойынша жазған арыздарына сәйкес шешім қабылдау үшін бастапқы іс-құжаттар тергеу ретімен Қарақия аудандық Ішкі істер бөліміне жолданды.

         Ағымдағы жылы автокөліктегі өрт оқиғасы тіркелген жоқ. Ақпан айы бойы «Автокөліктегі өр қауіпсіздігі» атты көлік иелеріне түсіндірме жұмыстарын жүргізу үшін жергілікті полиция қызметкерлерімен бірлескен айлық өткізілуде. Бұл іс-шараның мақсаты көліктегі өрт оқиғасының алдын алу, сондай-ақ өрттен туындайтын зардаптардың, оның ішінде адамдардың денсаулығына, өміріне қауіп тудыратын жағдайларды болдырмау.

         Көлік иелерінің назарына төмендегілерді қатаң сақтау қажет:

-         Мерзімінен кешіктірмей техникалық байқаудан өткізу;

-         Ақауларды жөндеу кезінде электр тоқ желілерінің орнықты орналасқанын қадағалау;

-         Көліктегі орналасқан газ баллондардың ақаулығын дер кезінде анықтау;

-         Багаж бөлігіне жанғыш сұйықтықтарды мөлшерден тыс сақтамау;

-         Көлікті жүргізіп келе жатқанда темекі тартпау немесе алкогольді, психотроптық заттарды пайланып көлік басқармау т.б сақтау қажет.

       Әрқашанда көлікте үш ерекше маңызды нәрсе болу керек:

  1. Дәрі дәрмек салынған қорап;
  2. Өртсөндіргіш құралы;
  3. Синтетикалық емес жамылғы.

         Егер төтенше жағдай орын алып, басқаруыңыздағы көлігіңізден өрт шықса, көлікті дереу тоқтатып, мүмкіндігінше қолда бар құралдарымен сөндіруге тырысыңыз. Өрт ұлғайып жалын күшейсе тез арада қауіпсіз жерге шапшаң өтіп алыстағаныңыз дұрыс! Адам өмірі мен денсаулығы бәрінен де қымбат!

Өрт болған жағдайда «112» немесе «101» нөміріне қоңырау шалыңыз!

Қарақия ауданы Төтенше

жағдайлар бөлімі